اتىراۋدا "سالاماتتى əدەتتەر"  مارافونى باستالدى

مارافون 11 شىلدە كۇنى اتىراۋداعى «رەترو پارك» ساياباعىندا باستالدى.  بۇگىنگى شارا قالالىق №7 ەمحانا  مەن  اتىراۋ مەديتسينالىق كوللەدجى جانە سالاۋاتتى ءومىر سالتىن قالىپتاستىرۋ ورتالىعىنىڭ ۇيىمداستىرۋىمەن ءوتىپ وتىر. مۇنداعى باستى ماقسات - ءاربىر ادامنىڭ  ءوز دەنساۋلىعىنا دەگەن جاۋاپكەرشىلىگىن ارتتىرۋ.

مارافون 5 ستانتسيادان تۇرادى:  دەنساۋلىققا كەرى اسەرىن تيگىزەتىن تۇزدان ساقتانۋ; كۇنىنە 2 ليتر سۋ ىشۋ;جەمىس-جيدەكتەر ستانتسياسىندا ۆيتاميندەردىڭ ادام دەنساۋلىعىنا پايداسىن ءتۇسىندىرۋ; جازاتايىم جاعداي ورىن العان كەزدە ورىنداۋعا ءتيىس ءىس-ارەكەتتەرمەن تانىستىرۋ; كۇنىنە 10 مىڭ قادام جاياۋ ءجۇرۋ. ۇيىمداستىرۋشىلاردىڭ ايتۋىنشا, وسى تاپسىرمالاردى كۇندەلىكتى ورىنداۋ ارقىلى,  دەنساۋلىقتى نىعايتۋعا بولادى.

- مارافوندا  قويىپ وتىرعان تالاپتارىمىزدى  ءار مەكەمە جانە تۇرعىن ءوز دەڭگەيىندە جالعاستىرىپ وتىرۋى قاجەت. قىركۇيەك ايىنىڭ 8-ءشى جۇلدىزىندا ماتەريالدار رەسپۋبليكاعا جولدانىپ, قورىتىندىسى شىعادى. وسى مارافوننىڭ ەرەجەلەرىن ورىنداعاندار ارنايى  العىس حاتتار مەن باعالى سىيلىقتارمەن ماراپاتتالاتىن بولادى,- دەيدى اتىراۋ مەديتسينا كوللەدجىنىڭ ديرەكتورى لاۋرا كۋباەۆا. 

ايتا كەتەيىك, باستاماعا  قاتىسۋشىلار مىندەتتى تۇردە سالاۋاتتى ءومىر سالتىن قالىپتاستىرۋ ورتالىعىنىڭ الەۋمەتتىك جەلىلەرىنە تىركەلىپ, باستامانى قولدايتىندىقتارىن سۋرەت نەمەسە بەينە  ارقىلى,   «دەنساۋلىق كەپىلى سالاماتتى ادەتتەر مارافونى» حەشتەگتەرى ارقىلى الەۋمەتتىك جەلىلەردە ءبولىسۋى ءتيىس.